進入第二季已三週,美匯指數於71.00左右已牛皮四週,從形狀來看繼續向下機會大一點,但之前講過,形態分析已有差不多百年歷史,現今市場往往最愛反形勢走來殺倉.因互聯網時代來臨令熱錢流動加速,現在每天於市場流動的熱錢以萬億美元為單位.彈指之間已經完成交易.新時代令形勢分析出現滯後反映或作反走勢,但這並不代表這種工具已經不合時而,只是我們要從另一個高度分析形態走勢.配合其他技術分析作出買賣決定.所以不要以為於書店用一百幾拾元買幾本甚麼投資天書,學會裡面的幾種分析方法便以為天下無敵!穩打穩紮,一面作小額實戰,面改善技術才是玩外匯的硬道理!

講番本週...

本週美股回升,港股再升2百幾~但美國消費者信心指數跌至上一次大衰退期的水平都幾令人擔心~反映美國人已真正感覺到寒冷,經濟寒冬好像要來了一樣!理性預期開始減少消費會令經濟進一步下滑!狗追狗尾巴情況會進一步惡化,現在要睇睇美國政府自私的弱美元政策能否令美國走出困境!

香港現時受人民幣高企之苦,入口貨品脹價.弱美金加強人民幣令港幣兩面受敵!基層市民最感覺加價壓力,人民幣弱時北上消費可減減壓,現時上去買野可能貴過香港!十年河東,十年河西~香港人又要動下腦筋啦~

講番匯市...

今年第一季結束!又係時候作個小結.第一季國際投資市場主要受美國信貸危機影響,美元於第一季走軟~對各主要貨幣都見近年新低.加上油價金價高企,令美股一再受壓!港股亦從天上面跌下來第一季下跌三千幾點.成交量亦下跌!展望第二季是否最壞的情況已經過去呢?美國剛公佈上月份失業率見5.1%,本月再減息半個巴先機會增加!息口標示著信貸市場的基本面貌,以現時走勢來看,美國信貸市場信心危機未過去!下一季還會是困擾投資市場的最大問題~但春江水暖鴨先知.美金當然是一隻鴨仔啦!要係外匯贏錢,就係快人一步!(但快太多又唔得~)

講番自己第一季成績只是平平,因素有三:1)業餘炒家受本業影響無時間追貼市況,有時真係唔得閒睇.2)自己對太低美元有介心,係第一季美元低走時追沽風險太高.贏唔到無所謂,錢輸左就好難追番!3)運氣~

歐洲貨幣(包括歐元及瑞郎)第一季高處未算高!我都係睇多過買,風險太高也!

日元同上,去年第四季睇好贏左後收盤,到現在100算左右又開始買美金!

加元最水皮^^輸左180點!

英鎊就最攪笑,2.0200水平沽到1.9330左右冇理佢冇平倉又冇放前止蝕位,之後反彈到2算水平才平倉,贏得200點左右~贏少左500點左右,真失敗!

好在澳元爭番口氣,第一季贏750點^^張成績表先至無咁肉酸!

因為我基本睇好美金會反彈,所以第一季美元低走令我偏向不做單,贏少左好多.希望第二季有所改善!

睇番下週...

本週有報導指香港的"百萬富翁"人數減少左!唔知會唔會係你呢^^股市下跌令金錢人間蒸發!大家心情都無咁靚.但其實如果你是"百萬富翁"一份子(講緊係流動現金有一百萬或以上),唔見左的都只是副身家面頭個十張八張,又唔洗攪到訓唔著的!投資有上有落好平常,風險與利潤大部份時間都是成正比例的.有番三兩次熊市經驗而死唔去的,才可以算是一名有經驗的投資者,那些甚麼學生,街市股神大多數一把熊掌就消失九成幾!戰場上老兵死亡率係最低的!

講番外匯啦...

今日比老板call左返公司開工~一回來立即補番假後版同大家見面!

全世界最早"復活"的 可能是台灣人啦!我地"香港交貨"的小馬哥順利當選中華民國第十二任總統.台灣人和平地完成第二次政黨論替.對面大陸政府低姿態攪定西藏佬,令小馬哥"有覺好訓"~順利打低綠營!但睇深一層,亞扁掌政八年台灣衰足八年~如果是其他國家,民進黨是沒有可能再得到四成一的選票!施政如此都未被選民放棄,民進黨係台灣人心中還是有地位的,如果北京沒重視這一點就不能掌握台灣民情,國民黨也一樣,如果覺得現在自己一黨獨大就亂攪的話,四年後台灣人民還是會用選票請它們下來的~

講番外匯方面~復活節果然係復活節,美金大方向都來一次"敗部復活"~週五全線回穩收市!美元跌勢短期停一停是否代表跌夠啦還未有定論.但現水平美元已有一定吸引力~如果次按唔再有壞消息出及美金M1/M2增長轉強,就代表熱錢回流美元區,但出現這訊號事可能已經升左,如要做一個醒目投資者要比人快一dd先得...

本週美元下跌是市場焦點,殊仔再推出千億美金救樓市,但反應未如理想.共和黨攪到大選年經濟衰退,想再係白宮玩四年真係無咩可能!加上推左個白頭阿伯出來選,已經71歲會否太老啦吧~怪唔得全美焦點都放係黑人同女人身上,如果奧巴馬最後答應做VP解決黨內分歧,希拉里便有好大機會成為第一個女性美國總統.美國總統作為地球最有權力的人,我地可能回到母系時代^^(一笑)

港股同我一樣中左流感再試低位,週五收22237~險守22000!但重係頭昏眼花腳仔軟軟,下週再好唔返有可能流感變種,跌到唔知咩位!大家小心啦~

講番外匯...

2008年是轉變的一年~無論政治(各國政府大選)或經濟(通脹通縮同時出現)都未明朗~美國民主黨人要係女人或黑人之間選擇佢地領導人,係美國這個傳統男性白人領導的社會,做成幾十年未見的分歧.如再分不出勝負,可能會益左共和黨個老伯~

貝南奇壓低美元令美國資產大件又低食,希望用這種方法把美國經濟帶領出困難.這樣做等於把問題出口到其他國家.核心問題未解決!一旦美國本土通脤加劇,就會好大獲~我們最關心的是美金跌夠未?現水平可能要再等等才有定論~

各主要外幣對美金...

美國經濟問題表面化,令美金本週急跌!對各主要貨幣都見幾年新低~貝南奇話會有細銀行死先!大家腳仔都軟,大手沽貨美股美金齊齊跌.美元現價是否見低還須觀望一下!但日元升近100算,日本仔都好頭痛.出口力大減也!所以下週都幾緊要,如美金再跌穿100心理關口就大獲.不過機會並不太大,大家觀望下啦!

個別分析... 

春節過後開始回暖,但股票市場仍然吹大北風!美國經濟數據一個差過一個,山姆叔叔已企係山崖邊緣,就跌就跌~~香港也好不了多少,恆指得番23000幾!今年唔見左成4000點~現在已無咩大行睇好後市了.那22000點左右會否是第一隻熊掌?只有時間可以比大家答案.

外匯方面...